مجـــــــــــروح
و ش جـــابك لحبٍ هـدمته بــــدينك
لا عـــاد ترجــع مالنا فيك مصـــلوح
أول تمـــنيني بضــــحكة جبــــينك
واليـــوم ترجع بعد ما صرت مذبوح
يا ما نســـيتك مع لــيالي سنــينك
أرجـــوك يكفي واتركي القلب مجروح
ويـنك مــن أول أسأل الأمس وينـــك
مهما تـحاول بالــعذر منت مسموح
شفلك ضـــحية تنـخدع في حنــــينك
هـــذاك أول قلبـي بالأمس مفـــتوح
مره . .تجيني ومره . .تخفي يمـينك
ما هي غـــريبة جيتك لــيه ما تروح
كثــــرة طعونك بالحشا من يـــدينك
وهذي طعونك شوهت فيني بوضوح
كنت أفتــــخر بك يوم عيني بعينك
واليــــــوم عينك زودت قلب مجروح
إبعد . . وســـافر . .مالنا في ونينك
وإكتب وفـــاتي فعلك اليوم مفضوح
يا للأسف . . . بعد اللـــيالي دفينك
هذا العـــذاب اللي رفـع عالي النوح
ليست هناك تعليقات:
إرسال تعليق