المشتاق
فــــــــــــرح المشتاق لي منه هواك
إرسمي البسمه على الوجه الحزين
يـــكفي إن القلب ما عمره نساك
ويــــن أيامك تجـــــينا من سنين
دايم المـــــشتاق من قلبه عطاك
كيف ماتــــشفق على حــالٍ دفيـن
لو جـفاك الصوت حبي ماجــــــــفاك
ما تحملت أبتعد وإنت الحنيـــــــن
إنتـي نجم الكون من زايد حلـــاك
تشرق بشمسك على دمعة سجين
ما يجيك الياس لك رب يحمــــاك
يحفظك ربي لنا وإنت الحســـين
عينك اللي تزرع الراحــــــــه ملاك
عيني بعينك وقلبي لــــك عرين
يوم جيتك بالغلا قــــــدرك خفاك
وإنتي ما غيرك أخذ قــــــلبٍ حنين
جيت أبعرف غايتك وأطلب رضاك
ما لقــيت اللي على بالي يبــــــــين
فــــــرح المشتاق مغرم في سماك
إرسمي البسمه على الوجه الحزين
ليست هناك تعليقات:
إرسال تعليق