شغلت الفكر
علامك ضايقٍ صدرك وحالك ماهو مثل الناس
رجـــاي تعاند أحــــــزانك وحالك زود الأشجان
شغلت الفكر في صمتـــك تكلم لا تهــز الراس
وأناظــر للقــــمر يبكي غريـبه قصـــة الإنسان
كتبت الدمــعه في خدي وصارت للغلا مقياس
غلاك اليــــوم في صدري وقلبي صار بك هيمان
نصيـحه قالها شعري من إحساسي وأنا الحساس
لقيـــت أحزان في عيني وقلبي صار لي بركان
أعــــاني قد ما تبكي ودمعه تحرق الأنفــــاس
شغلني رحلة الدمعه من همومك أنا الغرقان
أنا يا شاغلٍ بالي تـــراك اليـــوم لي نـــــبراس
ولا أرضى تنزل الدمعه من ظروفك ولو ما كان
وهــذا الهم يا خــذني إلى دمعه مع الجــلاس
كفايه ظـــلم في حقك يشوه حسنك الفتـــــان
وأبصرخ مـن معاناتك ولو تسمع كثير أجناس
وأنا من ســكة أحزانك تعبت وقلت لك حيران
غلاك اليــــوم في صدري وقلبي صار بك هيمان
ردحذفنصيـحه قالها شعري من إحساسي وأنا الحساس
لقيـــت أحزان في عيني وقلبي صار لي بركان
أعــــاني قد ما تبكي ودمعه تحرق الأنفــــاس
الله احزان جعلت الكلام كماس جميل لكن جرحه عميق الاحساس
تحياتى لك استاذ محمد واسعد الله قلبك وابهج حروفك من الحزن
هلا بك وكلك ذوق والله يبارك فيك ويسعدك وشكرا لك على ذوقك ولطفك وان نصل غلى ذائقتك فهذا تاج تميزنا به من احساسك الراقي والجميل لك فائق ودي وتقديري
ردحذف